Լայնածավալ պատերազմ չի լինի, բայց սողացող պատերազմը կշարունակվի. Փորձագետները համամիտ են «Ստրատֆոր»-ի կանխատեսումների հետ
168.am-ի հետ զրույցում եվրոպացի վերլուծաբան Նեյլ Մաքֆարլեյնն ասաց, որ վերլուծությունն ունի օբյեկտիվության բաղադրիչ, ավելին՝ այն արտացոլում է Հարավային Կովկասում ստեղծված բարդ իրադրությունը, երբ չկա հաստատված խաղաղություն, խաղաղության համաձայնագիր, չկա նաև լայնածավալ պատերազմ: Սակայն, ըստ նրա, կան միջադեպեր, ուժի գործադրման բաղադրիչ և աշխարհաքաղաքական աննախադեպ իրավիճակ, երբ աշխարհաքաղաքական կենտրոնները չափազանց քիչ են կարողանում ազդել այս իրավիճակի վրա, պայմանավորված ավելի լայն առումով աշխարհում ստեղծված իրավիճակով: