Նա ռուսական անձնագիր ունի, բայց մեր հայն է․ Յուրա Մովսիսյանը՝ Սպերցյանի մասին
«Կրասնոդարի» և Հայաստանի հավաքականի նախկին հարձակվող Յուրա Մովսիսյանը մեկնաբանել է ռուսական թիմի կիսապաշտպան Էդուարդ Սպերցյանի՝ Հայաստանի հավաքականում հանդես գալու որոշումը։
«Սպերցյանն ընտրեց խաղալ Հայաստանի հավաքականում: Կորո՞ւստ է դա Ռուսաստանի համար։ Մի՞թե չեք տեսնում, որ կորուստ է:
Բայց այսպես կասեի․ դա Ռուսաստանի կորուստը չէ, Էդիկը մերն է։ Գիտեմ, որ նա ռուսական անձնագիր ունի, երկար ժամանակ է՝ Ռուսաստանում է, բայց հայ է»,-Մովսիսյանի խոսքերն է մեջբերում Матч ТВ-ն։
«Կրասնոդարի» կիսապաշտպան Էդուարդ Սպերցյանը որոշել է Հայաստանի հավաքականում հանդես գալ 2021 թվականի փետրվարին, թեև ծնվել է Ստավրոպոլում և կարող էր հանդես գալ Ռուսաստանի կազմում։
2021 թվականի մարտին Սպերցյանն առաջին անգամ խաղաց Հայաստանի հավաքականում, և հենց առաջին պաշտոնական խաղում գրավեց Ռումինիայի դարպասը։
Հայաստանի հավաքականի կազմում Սպերցյանն անցկացրել է 13 հանդիպում և դարձել երեք գոլի հեղինակ։