Ամարասի վանական համալիրում վերականգնողական աշխատանքները շարունակվում են
Ամարասի վանական համալիրում շարունակվում է շինարարավերականգնողական աշխատանքների երրորդ փուլը: Այս մասին «Արցախպրես»-ի թղթակցի հետ զրույցում տեղեկացրել է Արցախի Հանրապետության ԿԳՄՍ փոխնախարար Լեռնիկ Հովհաննիսյանը: «Ամարասի վանական համալիրում ընթացող շինարարական-վերականգնողական աշխատանքները ֆինանսավորվում են «Լույս» հիմնադրամի կողմից: Շինարարությունն իրականացվում է «Գարդեն» ՍՊԸ-ի կողմից: Երրորդ փուլով ընթանում է վանական համալիրի երիցատան և նրա հարակից շինությունների, գլխավոր մուտքի հանդիպակաց տարածքի …
The post Ամարասի վանական համալիրում վերականգնողական աշխատանքները շարունակվում են appeared first on ԳԱԼԱ.
Ամարասի վանական համալիրում շարունակվում է շինարարավերականգնողական աշխատանքների երրորդ փուլը:
Այս մասին «Արցախպրես»-ի թղթակցի հետ զրույցում տեղեկացրել է Արցախի Հանրապետության ԿԳՄՍ փոխնախարար Լեռնիկ Հովհաննիսյանը:
«Ամարասի վանական համալիրում ընթացող շինարարական-վերականգնողական աշխատանքները ֆինանսավորվում են «Լույս» հիմնադրամի կողմից: Շինարարությունն իրականացվում է «Գարդեն» ՍՊԸ-ի կողմից: Երրորդ փուլով ընթանում է վանական համալիրի երիցատան և նրա հարակից շինությունների, գլխավոր մուտքի հանդիպակաց տարածքի վերանորոգումը: Ամարասի վերանորոգումը սկսվել է 2019 թվականից: Բավականին մեծ նախագիծ է, ուստի աշխատանքներն իրականացվում են փուլ առ փուլ»,- մանրամասնել է Լ. Հովհաննիսյանը:
Հեղինակային վերահսկողության համար պարբերաբար շինհարթակ է այցելում վերականգնող ճարտարապետ, նախագծի հեղինակ Մանուշակ Տիտանյանը, ով մեզ հետ զրույցում հայտնել է, որ զուգահեռ շարունակվում են նաև Բովուրախանի վանքի վերականգման աշխատանքները:
The post Ամարասի վանական համալիրում վերականգնողական աշխատանքները շարունակվում են appeared first on ԳԱԼԱ.