Ռաիսիի այցը Սիրիա ռազմավարական է և պատմական. Իրանի նախագահի աշխատակազմ
Իրանի նախագահի աշխատակազմի ղեկավարի քաղաքական հարցերով տեղակալ Մոհամմադ Ջամշիդին երկրի ղեկավար Իբրահիմ Ռաիսիի այցը Սիրիա ռազմավարական և պատմական է որակել, հայտնում է Pars Today-ը:
Իրանի նախագահը քաղաքական և տնտեսական գործիչների բարձրաստիճան պատվիրակության գլխավորությամբ չորեքշաբթի ժամանել է Սիրիա՝ այս երկրի նախագահ Բաշար ալ Ասադի պաշտոնական հրավերով։
Սա Իրանի նախագահի առաջին այցն է Սիրիա վերջին 13 տարվա ընթացքում։
Իրանի նախագահի աշխատակազմի ղեկավարի քաղաքական հարցերով տեղակալը նաև ասել է.«Վերջին տասնամյակում Մերձավոր Արևելքում տեղի են ունեցել լարված աշխարհաքաղաքական իրադարձություններ, որոնց թվում կարելի է մատնանշել Սիրիայի պատերազմը, Եմենի պատերազմը, ԻՊ- առաջխաղացումը, ահաբեկչության և ներքին ապստամբությունների տարածումը Իրանի Իսլամական Հանրապետության և Իրանի ժողովրդի դեմ»:
Իրանի նախագահ Էբրահիմ Ռաիսին, իր հերթին, հայտարարել է, որ Իրանի և Սիրիայի դիմադրությունը համաշխարհային պատերազմին և ցանկացած ճնշմանը, այդ դիմադրության արդարության և օրինականության ապացույցն է։
Հայտնի է, որ Ռաիսին և Ասադը փոխըմբռնման հուշագիր են ստորագրել Սիրիայի Արաբական Հանրապետության և Իրանի Իսլամական Հանրապետության միջև երկարաժամկետ ռազմավարական համապարփակ համագործակցության ծրագրի վերաբերյալ: