Չելսիի նկատմամբ 1-0 հաղթանակից հետո տեղի ունեցավ ՄանՍիթիի չեմպիոնության պարգևատրման արարողությունը (տեսանյութ)
Սեփական հարկի տակ «Չելսիի» նկատմամբ 1-0 հաղթանակից հետո տեղի ունեցավ «Մանչեսթեր Սիթիի» պարգևատրման արարողությունը։
Անգլիայի առաջնության չեմպիոնի գավաթը բարձրացրեց թիմի ավագ, կիսապաշտպան Իլկայ Գյունդոգանը, որը հավանաբար այս մրցաշրջանից հետո կհեռանա։
«ՄանՍիթին» երեկ արդեն վաղաժամ դարձավ Անգլիայի ֆուտբոլի բարձրագույն մրցաշարի հաղթող այն բանից հետո, երբ Արսենալը հյուրընկալվելով պարտվեց «Նոթինգեմ Ֆորեսթին»։
«Չելսիի» դեմ խաղում մանչեսթերյան ակումբից հաղթական ու միակ գնդակը 12-րդ րոպեին խփեց արգենտինացի հարձակվող Խուլիան Ալվարեսը։
Սա 9-րդ չեմպիոնությունն է գործող չեմպիոնի համար։ Այս մրցաշրջանի 36 խաղում Սիթին ունի 28 հաղթանակ, 4 ոչ ոքի, 4 պարտություն, վաստակել է 88 միավոր։ Ակումբի կազմը ամենաթանկարժեքն է՝ մոտ 1,05 միլիարդ եվրո։