Ես ուժեղ կլինեմ և մինչև վերջ կպայքարեմ ռասիզմի դեմ. Վինիսիուս
Մադրիդի «Ռեալի» հարձակվող Վինիսիուս Ժունիորը «Վալենսիայի» դեմ խաղից հետո քննադատել է իսպանացի երկրպագուներին ռասիզմի համար։
Բրազիլացին խաղադաշտից հեռացվել է ավելացված ժամանակում՝ վիճաբանության համար: Ֆուտբոլիստը պատմել է, որ ամբողջ խաղի ընացքում ենթարկվել է երկրպագուների վիրավորանքների։
«Սա առաջին անգամը չէ, ոչ երկրորդը, ոչ երրորդը։ Ռասիզմը Լա Լիգայում նորմա է։ Բոլորը կարծում են, որ դա լավ է: Ֆեդերացիան չի ընդդիմանում, ուստի ոչ ոք չի թաքցնում դա։ Սա շատ տխուր է։ Այս լիգան ժամանակին պատկանում էր Ռոնալդինյոյին, Ռոնալդոյին, Կրիշտիանուին և Մեսսիին: Իսկ այսօր այն կուլ է տվել ռասիզմը։
Իսպանացիները հրաշալի ազգ են, որոնք ինձ ջերմորեն ընդունեցին։ Բայց նա համաձայն է ռասիստական երկրի պատկերի հետ: Ցավում եմ իսպանացիների համար, ովքեր համաձայն չեն սրա հետ: Սակայն այսօր Բրազիլիայում Իսպանիան համարվում է ռասիստների երկիր։ Դա տեղի է ունենում ամեն շաբաթ, և դրա համար արդարացում չկա: Ես ուժեղ կլինեմ և մինչև վերջ կպայքարեմ ռասիզմի դեմ»,- գրել է Վինիսիուսը սոցցանցում։