Կալանքը կարող է կիրառվել միայն բացառիկ պայմաններում․ ՄԻՊ-ը՝ Գայանե Հակոբյանի գործի մասին
Կալանքի հարցին ինչու չեմ կարող խորը անդրադառնալ, քանի որ օրենքով դատարանների աշխատանքներին միջամտելու հստակ արգելք ունեմ։
Լրագրողների հետ զրույցում ասել է ՄԻՊ Անահիտ Մանասյանը և հայտարարել, որ ինքն արդեն հորդորել է գործի վերանայման ժամանակ հաշվի առնել, որ կալանքը կարող է կիրառվել միայն բացառիկ պայմաններում:
Մանասյանի խոսքով Գայանե Հակոբյանի խցի հետ կապված խնդիր է եղել.
«Ես ինքս եմ այցելել և դրանից հետո Աբովյան ՔԿՀ-ին խնդրել եմ որպեսզի այցելության գնան և պահման պայմանների խնդիրներին լուծում տան»,-նշել է նա։
Մանասյանը հայտնեց, որ խնդրին լուծում են տվել և հավելեց, որ ՀՀ ՔԿՀ-ները չափանիշների հարցում ունեն կատարելագործման կարիք: