Նեյմարը մերժել է 400 միլիոն եվրո աշխատավարձով առաջարկը
Ֆրանսիական ՊՍԺ-ի բրազիլացի հարձակվող Նեյմարը մերժել է խոշոր տրանսֆերային առաջարկ, հայտնում է Foot Mercato-ն:
Սաուդյան Արաբիայի ակումբներից մեկը Բրազիլիայի հավաքականի առաջատարին առաջարկել է տարեկան 400 միլիոն եվրո աշխատավարձով պայմանագիր, սակայն Նեյմարը մերժել է:
31-ամյա ֆուտբոլիստը դիտարկում է միայն ՊՍԺ-ում մնալու, կամ անգլիական «Մանչեսթեր Յունայթեդ» հնարավոր տեղափոխության տարբերակները: Նեյմարը կարող է պայմանագիր կնքել «Մանչեսթեր Յունայթեդի» հետ, եթե այս ակումբի սեփականատերը դառնա կատարցի շեյխ Ջասիմ բին Համադ Ալ Թանին:
Ֆրանսիայի չեմպիոնությունը պաշտպանած ՊՍԺ-ն պատրաստ է դիտարկել Նեյմարի տրանսֆերային իրավունքը վաճառելու հնարավոր տարբերակները:
Հիշեցնենք, որ հարձակվողը 2017 թվականի օգոստոսից է խաղում փարիզյան գրանդում: Գործող պայմանագիրը նախատեսված է մինչև 2025 թվականի հունիսի 30-ը:
The post Նեյմարը մերժել է 400 միլիոն եվրո աշխատավարձով առաջարկը appeared first on ԳԱԼԱ.