Սևիլյան 7-րդ անգամ նվաճեց Եվրալիգայի գավաթը
Սևիլյան 7-րդ անգամ նվաճեց Եվրոպայի լիգայի գավաթը։ Իսպանական ակումբը 11-մետրանոցներով առավելության հասավ։
Ակումբները 1-1 հաշվով ավարտեցին խաղի հիմնական ու լրացուցիչ ժամանակները։ 11 մետրանոց հարվածաշարում սևիլյացիները 4-1 հաշվով առավելության հասան։
Խաղի 34-րդ րոպեին խաղի հաշիվը բացեց հռոմեական ակումբի հարձակվող Պաուլո Դիբալան, որը հետո 65-րդ րոպեին փոխարինվեց՝ երկար խաղալ չկարողանալու պատճառով, քանի որ վերջերս էր ապաքինվել վնասվածքից։
55-րդ րոպեին «Սևիլյան» հավասարեցրեց հաշիվը․ իսպանական ակումբի եզրային գրոհը ստիպեց, որ հռոմեական ակումբի Ջանլուկա Մանչինին ինքնագոլի հեղինակ դառնա։
Իսպանական ակումբը շարունակեց իր անպարտելիությունը լիգայի եզրափակիչներում։