Պուտինը պատմել է իր քնի ռեժիմի մասին
ՌԴ նախագահ Վլադիմիր Պուտինը պատմել է իր քնի ռեժիմի մասին՝ մանրամասնելով, որ հիմնականում քնում է օրական վեց ժամ։ Այս մասին պետության ղեկավարը հայտարարել է Ծնողական փառքի շքանշանով պարգևատրված ընտանիքների հետ հանդիպմանը, գրում է lenta.ru-ն:
«Իհարկե, ես, ինչպես բոլոր մարդիկ, քնում եմ... Քնում եմ, բայց գուցե մի քիչ ավելի քիչ։ Վեցից յոթ ժամ, հիմնականում վեց ժամ: Այսօր, սակայն, շատ ավելի քիչ եմ քնել։ Այդպես է ստացվել»,- ասել է պետության ղեկավարը։
Պուտինը հավելել է, որ չի հրաժարվում սպորտով զբաղվելուց, ինչն իրեն օգնում է աշխատանքում։