Կոսովոյի հյուսիսում կարող են նոր ՏԻՄ ընտրություններ անցկացնել
Ֆրանսիան և Գերմանիան Մոլդովայում գումարված Եվրոպական համայնքի երկրորդ գագաթնաժողովում կոչ են արել Կոսովոյի հյուսիսում սերբաբնակ չորս տարածքներում անցկացնել ՏԻՄ նոր ընտրություններ: Այդ մասին հունիսի 1-ին ասել է Ֆրանսիայի նախագահ Էմանյուել Մակրոնը:
«Կանցլեր Օլաֆ Շոլցի հետ երկու կողմերից պահանջել ենք անհապաղ անցկացնել չորս տարածքներում ընտրություններ՝ սերբական կողմի հստակ մասնակցությամբ»,- ասել է Մակրոնը:
Նա հայտնել է, որ գագաթնաժողովի շրջանակներում Շոլցի ընկերակցությամբ հանդիպումներ է անկացրել Սերբիայի և Կոսովոյի նախագահներ Ալեքսանդար Վուչիչի և Վյոսա Օսմանի-Սադրիուի հետ:
Կոսովոյում հայտնել են, որ կքննարկեն հյուսիսային սերբաբնակ տարածքներում նոր ընտրությունների հնարավորությունը: