Արամ Ա-ն այցելել է Լիբանանի հյուպատոսարան
Ն․Ս․Օ․Տ․Տ․ Արամ Ա Վեհափառ Հայրապետն այցելել է Լիբանանի Հանրապետության հյուպատոսարան։ Այս մասին հայտնել է Կիլիկիայի կաթողիկոսարանի մամուլի ծառայությունը։
«Երկուշաբթի, 5 Յունիս 2023-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը, իր շքախումբին հետ, այցելեց Լիբանանի Հանրապետութեան Հիւպատոսարան։
Շքախումբին մաս կը կազմէին Գանատայի Հայոց Թեմի Առաջնորդ Գերաշնորհ Տ. Բաբգէն Արքեպիսկոպոս Չարեանը, Հոգեշնորհ Տ. Պարոյր Վարդապետ Շէրնէզեանը, Հայաստանի Հանրապետութեան Մոնթրէալի մէջ Պատւոյ Հիւպատոս՝ Պրն. Լեւոն Աֆէյեանը, Մեծի Տանն Կիլիկիոյ Կաթողիկոսութեան Ազգային Կեդրոնական Վարչութեան համա-ատենապետ Պրն. Գրիգոր Մահսէրէճեանը, Գանատայի Հայոց Թեմի Ազգային Վարչութեան ատենապետ Տիկ. Ծովիկ Թերզեանը, Հ.Յ.Դ. Բիւրոյի ներկայացուցիչ Պրն. Յակոբ Տէր Խաչատուրեանը եւ Հ.Յ.Դ. Կեդրոնական Կոմիտէի ներկայացուցիչ Պրն. Մհեր Գարագաշեանը։
Վեհափառ Հայրապետը եւ իր շքախումբը հիւրընկալուեցան Լիբանանի Հանրապետութեան հիւպատոս Պրն. Անթուան Իտի կողմէ։
Հիւպատոսը նախ բարի գալուստ մաղթեց Վեհափառ Հայրապետին եւ շնորհակալութիւն յայտնեց Նորին Ս. Օծութեան, որ ընդառաջեց եւ այցելեց Մոնթրէալի մէջ Լիբանանեան հիւպատոսարան։
«Լիաբանանի մէջ հայ ժողովուրդը յատուկ տեղ ունին լիբանանցի ժողովուրդին համար։ Հայ ժողովուրդը նաեւ եղած է Լիբանանի պատմութիւնը կերտող ժողովուրդներէն մէկը եղած է», ըսաւ Հիւապտոսը։
Ապա, Վեհափառ Հայրապետը շնորհակալութիւն յայտնեց Հիւպատոսին, որ այս մօտեցումը ունի հայ ժողովուրդին նկատմամբ։ «Լիբանանցի ժողովուրդը Հայոց Ցեղասպանութենէն ճողոպրած հայորդիները ընդունեցին իրենց երկրին մէջ եւ երբեք խտրութիւն չդրին։ Լիբանանահայութիւնը, որպէս Լիբանանի քաղաքացի բոլոր դժուարութիւններէն հեռու չմնաց, մասնակից դարձաւ, թէ Լիբանանի քաղաքացիական պատերազմի օրերուն եւ թէ Լիբանանի ամէնէն փայլուն շրջանին իրենց ներդրումը ունեցած են», ըսաւ Նորին Ս. Օծութիւնը։
Ապա, անդրադարձան Լիբանանի տնտեսական արդի դժուարութիւններուն մասին։
Յաջորդ օրը, Նորին Ս. Օծութիւնը Օթաուայի մէջ պիտի հանդիպի Լիբանանի Հանրապետութեան Դեսպանին»,- ասված է հաղորդագրության մեջ։