Արսենալը բանակցություններ է սկսել Չելսիի ունիվերսալ խաղացող Հավերցի տրանսֆերի համար
«Արսենալը» բանակցություններ է սկսել «Չելսիի» ունիվերսալ խաղացող Կայ Հավերցի հետ երկարատև պայմանագիր կնքելու համար, քանի որ «Ռեալը» լքել է մրցավազքը։ Այս մասին իր սոցցանցային էջերում գրել է իտալացի հայտնի ֆուտբոլային լրագրող Ֆաբրիցոի Ռոմանոն։
««Արսենալը» դիմել է «Չելսիին» Հավերցի համար, նախնական պահանջվող վճարը կազմում է 75 միլիոն ֆունտ (մոտ 87 մլն 700 հազար եվրո - Tert.am), բայց դա կարող է շուտով փոխվել:
Աղբյուրները զգում են, որ «Չելսին» կարող է ճկուն լինել և ընդունել 70 միլիոն ֆունտից պակաս գումար․ իհարկե, «Արսենալը» 75 միլիոն ֆունտ չի վճարի:
Առանցքային կետ. խաղացողը ցանկանում է միանալ «Արսենալին», քանի որ ցանկանում է նոր փորձ ունենալ երկար տարիներ «Չելսիում» լինելուց հետո:
«Ռեալը» ներկայումս դուրս է մրցավազքից․ նրանք նույնիսկ չեն մտածում Կայի համար 50 միլիոն ֆունտ ստեռլինգ վճարելու մասին:
Հիշեցում. «Արսենալի» առաջնահերթությունն է Դեկլան Ռայսի գործարքը շուտով ավարտին հասցնել՝ պաշտոնական առաջարկի նախապատրաստմամբ»,- գրել է նա:
Մադրիդյան ակումբցի ֆրանսիացի Կարիմ Բենզեմայի հեռանալուց հետո «Ռեալը» նոր 9 համարի փնտրտուքի մեջ է և դիտարկում էր նաև Հավերցի թեկնածությունը։
Գերմանացի ֆուտբոլիստն ունվերսալ է խաղադաշտում․ կարող է խաղալ եզրային ու կենտրոնական հարձակվողի, հարձակվողական կիսապաշտպանի դիրքերում։ Նա 24-ամյա հարձակվողի հասակը 1,93 սմ է։
2022/23 մրցաշրջանում ճգնաժամային «Չելսիի» խաղացողը 47 խաղում դարձել է 9 գնդակի և 1 գոլային փոխանցման հեղինակ։ Նրա տրանսֆերային արժեքը մոտ 60 միլիոն եվրո է։ Լոնդոնյան «կապույտների» ակումբ էր տեղափոխվել 2020 թվականի ամառային տրասնֆերային պատուհանի ժամանակ Լևերկուզենի «Բայերում» անցկացրած հիանալի մրցաշրջանից հետո 80 միլիոն եվրոյի դիմաց։
2021 թվականի Չեմպիոնների լիգայի եզրափակիչում գերմանացին դարձել էր «Մանչեսթեր Սիթիի» դեմ միակ ու հաղթական գնդակի հեղինակը։