Թուրքիայի ԱԳՆ-ն քննադատել է Իսրայելի գործողությունները Պաղեստինի գրավյալ տարածքներում
Թուրքիայի արտգործնախարարությունը դատապարտել է Իսրայելի վերահսկողության տակ գտնվող Արևմտյան ափին իրականացվող շինարարական աշխատանքները:
Մասնավորապես, Թուրքիայի դիվանագիտական գերատեսչության կողմից անընդունելի է համարվել Պաղեստինում և Արևմտյան ափի շուրջ 19 քաղաքներում 4.500 նոր բնակելի շենքերի կառուցումը:
«Թուրքիան, 1967թ․ սահմանները հիմք ընդունելով, շարունակելու է աջակցել Պաղեստինի պետականության ամբողջացմանն ուղղված «Երկու ազգ, երկու պետություն» սկզբունքի կյանքի կոչման այն ջանքերին, որի մայրաքաղաքն է Արևելյան Երուսաղեմը։ Դրան է պատկանում աշխարհագրական ամբողջականությունը, անկախությունն ու ինքնիշխանությունը»,- նշված է հայտարարություն մեջ:
Հիշեցնենք, որ Թուրքիայի ԱԳ նախարարությունը նմանատիպ հայտարարություն էր տարածել նաև 2022-ի հունվարի 21-ին՝ Իսրայելի արաբական տարածքներում շուրջ 2.600 նոր բնակելի շենքեր կառուցելու որոշման հաջորդ օրը:
The post Թուրքիայի ԱԳՆ-ն քննադատել է Իսրայելի գործողությունները Պաղեստինի գրավյալ տարածքներում appeared first on ԳԱԼԱ.