Գերեզմանի տարածքում դի է հայտնաբերվել. սպшնության մեջ կասկածվողը մարտեր առանց կանոնների մարզաձևի մարզիկ է
Այսօր՝ հունիսի 21-ին, ՀՀ Ներքին գործերի նախարարության Ոստիկանության Քրեական ոստիկանության գլխավոր վարչության (ՀՀ ՆԳՆ Ոստիկանության պետի տեղակալ, Ոստիկանության գնդապետ Վարդան Վարդանյանի, ՀՀ ՆԳՆ Ոստիկանության ՔՈ ԳՎ պետի առաջին տեղակալ Արմեն Պետրոսյանի գլխավորությամբ) ստացած օպերատիվ տվյալներով բացահայտվել է հունիսի 19-ին Արմավիրի մարզում տեղի ունեցած զարհուրելի սպանությունը։ Ինչպես դեպքի վայրից հայտնում է ֆոտոլրագրող Գագիկ Շամշյանը, հունիսի 19-ին …
The post Գերեզմանի տարածքում դի է հայտնաբերվել. սպшնության մեջ կասկածվողը մարտեր առանց կանոնների մարզաձևի մարզիկ է appeared first on ԳԱԼԱ.
Այսօր՝ հունիսի 21-ին, ՀՀ Ներքին գործերի նախարարության Ոստիկանության Քրեական ոստիկանության գլխավոր վարչության (ՀՀ ՆԳՆ Ոստիկանության պետի տեղակալ, Ոստիկանության գնդապետ Վարդան Վարդանյանի, ՀՀ ՆԳՆ Ոստիկանության ՔՈ ԳՎ պետի առաջին տեղակալ Արմեն Պետրոսյանի գլխավորությամբ) ստացած օպերատիվ տվյալներով բացահայտվել է հունիսի 19-ին Արմավիրի մարզում տեղի ունեցած զարհուրելի սպանությունը։
Ինչպես դեպքի վայրից հայտնում է ֆոտոլրագրող Գագիկ Շամշյանը, հունիսի 19-ին Ոստիկանության Կոտայքի բաժին են դիմել Երևանի բնակիչ 42-ամյա Ն․Ն․-ի հարազատները և հայտնել են, որ նա իրեն պատկանող ավտոմեքենայով դուրս է եկել տնից և ոչ մի տեղեկություն չունեն։
Մինչ Ոստիկանության Աբովյանի բաժնում պարզում էին դեպքի հանգամանքները, ՀՀ ՆԳՆ Ոստիկանության Քրեական ոստիկանության գլխավոր վարչությունում օպերատիվ տվյալներ են ստանում, որ Ն․Ն-ն հանդիպել է Արմավիրի մարզի բնակիչ 19-ամյա Գ․Գ-ին։
Քրեական ոստիկանության գլխավոր վարչության ծառայողները կարճ ժամանակում պարզում են, որ տեղեկությունը հավաստի է, ապա Ոստիկանության Արմավիրի մարզային վարչության (վարչության պետ Արթուր Բդոյանի), Ոստիկանության Վաղարշապատի բաժնի քրեական հետախուզության բաժանմունքի (բաժնի պետ Արսեն Ոսկանյանի) գլխավորությամբ հայտնաբերում են կասկածյալ Գ․Գ-ին, ում տեղափոխում են Ոստիկանության Կոտայքի բաժին։
Կարճ ժամանակ անց, փաստերի ճնշման տակ, Գ․Գ-ն խոստովանում է, որ Ն․Ն-ին սպանելուց հետո նրա դին գցել է Արմավիրի մարզի Մերձավան գյուղի գերեզմաններին հարակից տարածքում։
Փրկարարները դին դուրս են բերել 15 մետր խորությամբ փոսից։
Դեպքի փաստով Հայաստանի քննչական կոմիտեի Կոտայքի մարզային քննչական վարչության Աբովյանի քննչական բաժնում նախաձեռնվել է քրեական վարույթ ՀՀ ՔրՕրի 155 հոդվածի 1-ին (սպանություն) հատկանիշներով։
Գ․ Շամշյանի տեղեկություններով՝ սպանություն կատարողը մարտեր առանց կանոնների մարզաձևի մարզիկ է։
Քննիչի որոշմամբ՝ Գ․Գ-ն ձերբակալվել է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։
The post Գերեզմանի տարածքում դի է հայտնաբերվել. սպшնության մեջ կասկածվողը մարտեր առանց կանոնների մարզաձևի մարզիկ է appeared first on ԳԱԼԱ.