Հաջորդ շաբաթ Վաշինգտոնում տեղի կունենա Հայաստանի ու Ադրբեջանի ԱԳ նախարարների հանդիպումը․ Նիկոլ Փաշինյան
Հաջորդ շաբաթ Վաշինգտոնում տեղի կունենա Հայաստանի ու Ադրբեջանի ԱԳ նախարարների հանդիպումը:
Այս մասին Կառավարության նիստում տեղեկացրեց վարչապետ Նիկոլ Փաշինյանը։
Նա հայտնեց, որ Հայաստանը Ադրբեջանին նաև առաջարկել է անցկացնել սահմանագծման հանձնաժողովի նիստ, և այն անցկացնելու սկզբունքային պայմանավորվածություն կա:
Հիշեցնենք, որ ԱՄՆ պետքարտուղարության խոսնակի տեղակալ Վեդանտ Պատելը ճեպազրույցի ժամանակ հայտարարել էր, որ Հայաստանի և Ադրբեջանի միջև բանակցություններն ընթանում են տարբեր հարթակներում, իրենք կշարունակեն զբաղվել այս հարցով և անհամբեր սպասում են, որ շուտով կհյուրընկալեն բանակցությունների ևս մեկ փուլ։