Քիշնևի օդանավակայանում Տաջիկստանի քաղաքացի է կրակել․ Մոլդովայի վարչապետ
Տաջիկստանի 43-ամյա քաղաքացին է կրակ բացել Քիշնևի միջազգային օդանավակայանում, որտեղ երկու մարդ է մահացել։ Այս մասին իր ֆեյսբուքյան էջում գրել է Մոլդովայի վարչապետ Դորին Ռեչանը։
Վարչապետի խոսքով՝ տղամարդը պետք է արտաքսվեր Մոլդովայից։
«Արատաքսման սպասասրահ ուղեկցվելիս նա սահմանային ոստիկանության աշխատակցից խլած ատրճանակով կրակել ու սպանել է սահմանապահ ոստիկանի, ինչպես նաև օդանավակայանի անվտանգության աշխատակցի։ Եվս մեկ մարդ՝ ուղևոր, վիրավորվել է և բժիշկների հսկողության տակ է»,- գրել է Ռեչանը:
Մոլդովայի ներքին գործերի նախարարությունը հայտնել է, կրակողը ձերբակալվել է, նրա դեմ քրեական գործ է հարուցվել ահաբեկչություն կազմակերպելու հոդվածով։ Միջադեպի կապակցությամբ Քիշնևի օդանավակայան է ժամանել Մոլդովայի ՆԳՆ ողջ ղեկավարությունը։