Մակրոնն անկարգությունների պատճառով հետաձգել է այցը Գերմանիա
Ֆրանսիայի նախագահ Էմանուել Մակրոնը հետաձգել է այցը Գերմանիա՝ երկրի ներսում տեղի ունեցող իրադարձությունների պատճառով, հայտնել են Ելիսեյան պալատից, տեղեկացնում է BFMTV-ն։ Հուլիսի 3-ին նախատեսված ուղեւորությունը տեղի կունենա ավելի ուշ։
«Նախագահ Մակրոնը և Գերմանիայի դաշնային նախագահ Ֆրանկ-Վալտեր Շտայնմայերը խոսել են շաբաթ օրը՝ հուլիսի 1-ին: Հաշվի առնելով ներքաղաքական իրավիճակը՝ նախագահ Մակրոնն ասել է, որ ցանկանում է առաջիկա մի քանի օրվա ընթացքում մնալ Ֆրանսիայում»,-ասվում է հաղորդագրությունում։
Ելիսեյան պալատից հավելել են, որ Մակրոնն իր այցի հետաձգումը համաձայնեցրել է Շտայնմայերի հետ զրույցի ժամանակ։
Ֆրանսիայում բողոքի ցույցերը սկսվել են հունիսի 27-ի երեկոյան Փարիզի արվարձաններում 17-ամյա դեռահասի մահվանից հետո, որի վրա կրակ էին բացել ոստիկանները։ Ցույցերը վերածվել են անկարգությունների և ոստիկանության հետ բախումների։ Հունիսի 29-ի գիշերը ցուցարարները հրկիզել են մեքենաներ, ջարդել ցուցափեղկերը, հարձակվել ոստիկանների վրա, բարիկադներ կառուցել։ Ոստիկանությունը բերման է ենթարկել ավելի քան 1000 մարդու:
The post Մակրոնն անկարգությունների պատճառով հետաձգել է այցը Գերմանիա appeared first on ԳԱԼԱ.