Բախվել են Mercedes Sprinter և Opel-ը (լուսանկարներ)
Հուլիսի 1-ին, ժամը 12։35-ին Ճգնաժամային կառավարման ազգային կենտրոն ահազանգ է ստացվել, որ Երևանի Երևանյան փողոցում՝ «Զվարթնոց» օդանավակայանի խաչմերուկի մոտակայքում, տեղի է ունեցել ՃՏՊ՝ բախվել են ավտոմեքենաներ, առկա է վառելիքի արտահոսք․ անհրաժեշտ է փրկարարների օգնությունը։ Այս մասին հայտնել է ՀՀ փրկարար ծառայությունը։
«Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Mercedes Sprinter» (վարորդ՝ Գ․ Հ․) և «Opel» (վարորդ՝ Է․ Մ․) մակնիշների ավտոմեքենաները, ինչից «Mercedes Sprinter» մակնիշի ավտոմեքենան կողաշրջվել է, առկա է վառելիքաքսուկային նյութի արտահոսք․ տուժածներ չկան։
Փրկարարներն ուղղել են «Mercedes Sprinter» մակնիշի ավտոմեքենան և իրականացրել ճանապարհի լվացման աշխատանքներ»,- ասված է հաղորդագրության մեջ։