Ֆրանսիայում կյանքից հեռացել է դերասանուհի և երգչուհի Ջեյն Բիրկինը
76 տարեկանում մահացել է դերասանուհի և երգչուհի Ջեյն Բիրկինը։ Ինչպես նշում է le Parisien-ը, նրա դին կիրակի գտել են փարիզյան տանը:
Հրատարակությունը նշում է, որ մահից որոշ ժամանակ առաջ Բիրկինն առողջական պատճառներով չեղարկել էր համերգները։
Բիրկինը ծնվել է Լոնդոնում, սակայն 60-ականների վերջին՝ հայրենիքում դերասանական կարիերան սկսելուց անմիջապես հետո, տեղափոխվել է Ֆրանսիա։ Բիրկինին լայն ժողովրդականություն է բերել «Je t'aime... moi non plus» երգը, որը ձայնագրվել է Սերժ Գենսբուրգի հետ համագործակցությամբ։
Այնուհետև նա աշխատել է որպես մոդել, շարունակել իր կարիերան որպես երգչուհի և դերասանուհի՝ խաղալով մի քանի տասնյակ ֆիլմերում։ 80-ականների սկզբին նա դարձել է հեղինակավոր Hermès նորաձևության տան մուսան, արդյունքում ստեղծվել է լեգենդար Birkin պայուսակի մոդելը։
Դերասանուհին պարգևատրվել է Բրիտանական կայսրության շքանշանով և Ֆրանսիայի ազգային շքանշանով։ Համագործակցել է միջազգային իրավապաշտպան կազմակերպությունների հետ։
