Ռեալն ընկերական խաղում կամային հաղթանակ է տարել Միլանի նկատմամբ
Կալիֆոռնիայում ավարտվել է Մադրիդի «Ռեալի» առաջին ընկերական հանդիպումը, որում իսպանական ակումբը մրցել է «Միլանի» հետ և 3։2 հաշվով հաղթանակ է տարել:
Հանդիպման առաջին գոլը խփել է անգլիացի պաշտպան Ֆիկայո Տոմորին։ Իսկ ամերիկացի կիսապաշտպան Քրիստիան Պուլիշիչը նոր ակումբում իր առաջին արդյունավետ գործողությամբ աչքի ընկավ՝ դառնալով գոլային փոխանցման հեղինակ։ Հանդիպման 42-րդ րոպեին Լուկա Ռոմերոն ամրապնդեց իտալացիների առավելությունը՝ 0-2:
Բայց արդեն 57-րդ րոպեին մադրիդցիների կազմում այս խաղում առաջին գոլը խփեց ուրուգվայցի կենտրոնական կիսապաշտպան Ֆեդերիկո Վալվերդեն։ Երկու րոպե անց Վալվերդեն դարձավ դուբլի հեղինակ, իսկ 84-րդ րոպեին Վինիսիուս Ժունիորը հաղթանակ պարգևեց իր թիմին: