Ջրահովիտում մոտ 1100 հակ պահեստավորած անասնակեր է այրվել
Հուլիսի 24-ին, ժամը 16:50-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջրահովիտ գյուղի 2-րդ փողոցում այրվում է խոտի դեզ: Այս մասին հայտնել է ՀՀ փրկարար ծառայությունը։
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ:
Հրդեհը մեկուսացվել է ժամը 18:40-ին, մարվել` 19:35-ին: Գյուղի 2-րդ փողոցի տներից մեկի բակում գտնվող անասնագոմի տանիքում և հարակից տարածքում այրվել է մոտ 1100 հակ պահեստավորած անասնակեր»,- ասված է հաղորդագրության մեջ: