Լաչինից առևանգված արցախցին «տեղափոխվում է Բաքու». Ադրբեջանը նրան «մի շարք հանցանքների» համար է մեղադրում. «Ազատություն»
«Ազատություն». Լաչինի անցակետից 68-ամյա արցախցու առևանգման մասին Ստեփանակերտի հայտարարությունից ժամեր անց Բաքուն հաղորդում է, որ ադրբեջանցի իրավապահները ձերբակալել են ու Բաքու են տեղափոխում Հայաստան բուժման եկող տղամարդուն։ Ադրբեջանի գլխավոր դատախազությունը հայտարարել է, թե «Վագիֆ Խաչատուրյանին մեղադրանք է առաջադրվել» դեռ 2013-ին, ու նրան կալանավորելու որոշում կայացվել. նույն թվականին արցախցու նկատմամբ «միջազգային հետախուզում է հայտարարվել»։ Բաքուն Վագիֆ Խաչատուրյանին մեղադրում է մի […]
The post Լաչինից առևանգված արցախցին «տեղափոխվում է Բաքու». Ադրբեջանը նրան «մի շարք հանցանքների» համար է մեղադրում. «Ազատություն» appeared first on MediaLab Newsroom-Laboratory.
«Ազատություն». Լաչինի անցակետից 68-ամյա արցախցու առևանգման մասին Ստեփանակերտի հայտարարությունից ժամեր անց Բաքուն հաղորդում է, որ ադրբեջանցի իրավապահները ձերբակալել են ու Բաքու են տեղափոխում Հայաստան բուժման եկող տղամարդուն։ Ադրբեջանի գլխավոր դատախազությունը հայտարարել է, թե «Վագիֆ Խաչատուրյանին մեղադրանք է առաջադրվել» դեռ 2013-ին, ու նրան կալանավորելու որոշում կայացվել. նույն թվականին արցախցու նկատմամբ «միջազգային հետախուզում է հայտարարվել»։
Բաքուն Վագիֆ Խաչատուրյանին մեղադրում է մի շարք ծանր հանցանքների համար, այդ թվում՝ «գյուղի վրա զինված հարձակում իրականացնելու, որի հետևանքով 25 ադրբեջանցի է սպանվել»։
«Վագիֆ Խաչատուրյանն անցնում է Խոջալուի շրջանի Մեշալի գյուղում 1991 թվականի դեկտեմբերի 22-ին հայկական ցեղասպանության, ազգությամբ ադրբեջանցիների տեղահանության, պետությանը պատկանող գույքի ոչնչացման և վնասման փաստերով», – հայտարարել է Ադրբեջանի դատախազությունը։
Լաչինի միջանցքն արգելափակելուց և Հակարիի կամրջի մոտ անցակետ տեղադրելուց հետո սա ադրբեջանցիների կողմից արցախցու ձերբակալության առաջին դեպքն է։ Արդյո՞ք միջանցքի վերահսկողության պատասխանատու ռուս խաղաղապահները որևէ կերպ փորձել են կանխել ձերբակալությունը՝ այս մասին որևէ տեղեկություն չկա, ռուսական կողմը դեռ որևէ հայտարարություն չի տարածել։
Վագիֆ Խաչատրյանի առևանգման մասին այսօր ավելի վաղ Արցախի մարդու իրավունքների պաշտպանն էր ահազանգել։
«Կարմիր խաչի միջազգային կոմիտեի ուղեկցությամբ Արցախից Հայաստան բուժման նպատակով տեղափոխվող 68-ամյա Վագիֆ Խաչատրյանն առևանգվել է Ադրբեջանի սահմանապահ ծառայության ներկայացուցիչների կողմից և տեղափոխվել անհայտ ուղղությամբ», – Ֆեյսբուքում գրել էր Գեղամ Ստեփանյան՝ ընդգծելով՝ հարազատներից, Կարմիր խաչի ներկայացուցիչներից կամ ռուսական խաղաղապահներից որևէ մեկը առևանգված բուժառուի մոտ չէմ և նրա ճակատագիրն անհայտ է։
Ավելին՝ սկզբնաղբյուրում:
The post Լաչինից առևանգված արցախցին «տեղափոխվում է Բաքու». Ադրբեջանը նրան «մի շարք հանցանքների» համար է մեղադրում. «Ազատություն» appeared first on MediaLab Newsroom-Laboratory.