Մ-20 ԵԱ․ Աբրահամ Մնացականյանը՝ բրոնզե մեդալակիր
Բուխարեստում անցկացվող ծանրամարտի Եվրոպայի մինչեւ 20 տարեկանների առաջնությունում Հայաստանի ներկայացուցիչ Աբրահամ Մնացականյանը նվաճեց երկամարտի բրոնզե մեդալ։ 81 կգ քաշայինների պայքարում Մնացականյանը երկամարտում գրանցեց 313 կգ արդյունք (138+175)։ Հրում վարժությունում հայ ծանրորդը նվաճեց փոքր արծաթե մեդալ։
Ռումինիայի մայրաքաղաքում անցկացվող Եվրոպայի առաջնությունում Հայաստանի թիմն արդեն նվաճել է 1 ոսկե, 2 արծաթե եւ 5 բրոնզե մեդալներ: Մինչեւ 23 տարեկանների պայքարում երկամարտի ոսկե մեդալակիր է դարձել 61 կգ քաշային Գառնիկ Չոլակյանը 255 կգ (140+255) արդյունքով: Մինչեւ 20 տարեկանների պայքարում երկամարտի արծաթե մեդալակիրներ են դարձել 67 կգ քաշային Տիգրան Կարապետյանը (275 կգ, 123+152) եւ մեծահասակների Եվրոպայի չեմպիոն Գոռ Սահակյանը( 311 կգ, 140+171): Մինչեւ 20 տարեկանների պայքարում բրոնզե մեդալներ են նվաճել 61 կգ քաշային Մերուժան Եղոյանը (254 կգ, 110+144), 55 կգ քաշային Սեյրան Խուդանյանը (216 կգ, 95+121), 73 կգ քաշային Մարտին Պողոսյանը (308 կգ, 136+172) եւ 59 կգ քաշային Ալեքսանդրա Գրիգորյանը երկամարտի 198 կգ արդյունքով (86 +112 )։
Հայաստանի հավաքականի կազմում Բուխարեստում մրցահարթակ դուրս կգան նաեւ
մինչեւ 20 տարեկանների պայքարում Սուրեն Գրիգորյանը (89 կգ), Ֆելիքս Գեւորգյանը (96 կգ), Գարիկ Կարապետյանը (102 կգ), Աշոտ Մովսիսյանը (+109 կգ), Ալինա Սուքիասյանը (71 կգ), Աննա Ամրոյանը (76 կգ), Էմմա Պողոսյանը (81 կգ), Մարգարիտա Առաքելյանը (87 կգ) եւ Ջուլիետա Ավանեսյանը (+87 կգ),
մինչեւ 23 տարեկանների պայքարում կլինեն Ռաֆիկ Հարությունյանը (81 կգ), Գեւորգ Ղահրամանյանը (89 կգ), Արա Աղանյանը (96 կգ), Պետրոս Պետրոսյանը եւ Յաշա Մինասյանը (երկուսն էլ 109 կգ), Լիանա Գյուրջյանը (87 կգ), Մերի Թումասյանը եւ Լուիզա Սահրադյանը (երկուսն էլ +87 կգ):
The post Մ-20 ԵԱ․ Աբրահամ Մնացականյանը՝ բրոնզե մեդալակիր appeared first on ԳԱԼԱ.