Օգոստոսի 15-ից վերջապես ազատվելու ենք «հուսահատության գազելներից». Ավինյան
Շատ ուրախալի է, որ օգոստոսի 15-ից վերջապես ազատվելու ենք «հուսահատության գազելներից»:
Այս մասին Երևանի քաղաքապետարանի գործակարգավարական նիստի ժամանակ հայտարարեց փոխքաղաքապետ Տիգրան Ավինյանը։
Նա շեշտեց, որ սա դեռ բարեփոխումների ճանապարհի սկիզբն է։ Ըստ փոխքաղաքապետի, սակայն, մենք դեռևս ունենք միասնական տոմսային համակարգի ամբողջական ներդրման հարցը, ինչպես նաև ավտոբուսների առանձնացված գծերը շարունակաբար պետք է ավելացվեն:
«Հնամաշ գազելներից անցումը դեպի արդի ավտոպարկի, դեռ չի նշանակում, որ ամբողջական բարեփոխումներն ավարտվել ենք։ Հանձնարարաական ֆիքսեք, որ ամբողջական նախագիծ պետք է պատրաստել առանձնացված գծերի համար»,- հանձնարարեց Ավինյանը։