«Բացեք Լաչինի ճանապարհը». ամերիկահայերի ակցիան՝ Լոս Անջելեսում Բաքվի հյուպատոսարանի դիմաց
ԱՄՆ-ի հայ համայնքի ներկայացուցիչները հերթական բողոքի ակցիա են կազմակերպել՝ ի պաշտպանություն արդեն 8 ամիս շարունակ շրջափակված Արցախի։ Այս անգամ ամերիկահայերը հավաքվել են Լոս Անջելեսում Բաքվի հյուպատոսարանի դիմաց՝ պահանջելով բացել Լաչինի միջանցքը։
Ակցիայի մասնակիցներն իրենց հետ բերել են Հայաստանի ու Արցախի դրոշները, ինչպես նաև Արցախի ապաշրջափակման կոչերով տարբեր պաստառներ։ Դրանցից որոշների վրա կային «Դադարեցրե՛ք Արցախի շրջափակումը», «Դադարեցրե՛ք հայերի երկրորդ ցեղասպանությունը», «Արցախի հետ, Արցախի համար», «Պատժամիջոցներ սահմանել Ադրբեջանի դեմ» և այլ գրություններ։
Նրանք նաև տարբեր կոչեր են վանկարկում՝ պահանջելով բացել Լաչինի միջացնքն ու դադարեցնել ցեղասպանությունը, որին բախվել են արցախահայերը 2023 թվականին։