Խոշոր վթար Երևան-Գյումրի ճանապարհին. 11 մարդ զոհվել է, 5-ի կյանքին վտանգ է սպառնում
«Երևան-Գյումրի ավտոճանապարհի 90-րդ կմ-ին բախվել են «Volkswagen» մակնիշի ուղևորափոխադրող միկրոավտոբուսը և «ZIL» մակնիշի բեռնատարը (վարորդ՝ Հ․ Պ․, ծնված 1990 թ.):
Գյումրու ԲԿ-ից ստացված տեղեկատվության համաձայն՝ Գյումրու ԲԿ են հոսպիտալացվել տուժածներ Մ. Գ.-ն (ծնված 1996 թ.), Լ. Ղ.-ն (ծնված 1989 թ.), Հ. Պ.-ն (ծնված 1990 թ.), Պ. Ա.-ն (ծնված 1985 թ.), Է. Ք.-ն (ծնված 2000 թ.) և Է. Ս.-ն (ծնված 1984 թ.): Այնուհետև Է. Ս.-ն (ծնված 1984 թ.) տեղափոխվել է Երևանի «Էրեբունի» ԲԿ», - նշված է հաղորդագրությունում:
Վթարի հետևանքով վիրավորված անձանցից 5-ն այս պահին գտնվում են Գյումրի բժշկական կենտրոնում: «Ազատության» հետ զրույցում ԲԿ-ի փոխտնօրեն Արմեն Խաչատրյանը հայտնեց, որ նրանց վիճակը գնահատվում է ծանր և ծայրահեղ ծանր, 5-ի կյանքին էլ վտանգ է սպառնում:
Տուժածների հարազատների փոխանցմամբ՝ նրանք վերադառնում էին Թուրքիայից, որտեղ այցելել էին պատմական Արևմտյան Հայաստան: