«Լունա-25» կայանը բախվել է լուսնին և դադարել գոյություն ունենալ
«Լունա-25» տիեզերակայանը, նախնական տվյալներով, անցել է ոչ նախագծային ուղեծիր, բախվել Լուսնին ու դադարել գոյություն ունենալ։ Այս մասին հայտնում է Roscosmos-ը։
Պետական կորպորացիայի տվյալներով՝ օգոստոսի 19-ին, Մոսկվայի ժամանակով մոտավորապես 14:57-ին, «Լունա-25» ապարատի հետ կապն ընդհատվել է։
«Նախնական վերլուծության արդյունքների համաձայն՝ իմպուլսի փաստացի պարամետրերի շեղման պատճառով «Լունա-25» տիեզերանավը անցել է արտանախագծային ուղեծիր և դադարել է գոյություն ունենալ՝ Լուսնի մակերեսին բախման հետևանքով»,- ասվում է հաղորդագրության մեջ։
Շաբաթ օրը «Ռոսկոսմոս» պետական կորպորացիան հայտնել է, որ «Լունա-25» թռիչքային ծրագրի համաձայն, ժամը 14:10-ին ազդակ է արձակվել՝ ապարատը նախավայրէջքի ուղեծիր տեղափոխելու համար, սակայն գործողության ընթացքում արտակարգ դեպք է տեղի ունեցել, որը թույլ չի տվել գործընթացը կատարել տվյալ պարամետրերով։