Գերմանիայի ֆինանսների նախարարը պատգամավորներին առաջարկել է տարեկան 5 միլիարդ եվրո տրամադրել Ուկրաինային
Գերմանիայի ֆինանսների նախարար Քրիստիան Լինդները Բունդեսթագի պատգամավորներին առաջարկել է տարեկան 5 միլիարդ եվրո տրամադրել Ուկրաինային ռազմական օգնության համար։
«Պետք է պարզ ասել, որ մենք արդեն 22 միլիարդ եվրոյի չափով օգնություն ենք ցուցաբերել Ուկրաինային»,- ասել է Լինդները Բեռլինում Գերմանիայի կառավարության բաց դռների շրջանակներում քաղաքացիների հետ քննարկման ժամանակ՝ նշելով, որ այն ներառում է ռազմական և հումանիտար օգնություն, փախստականների տեղավորում և խնամք:
«Առաջիկա տարիների համար ես Բունդեսթագի բյուջետային օրենսդիրներին առաջարկել եմ տարեկան 5 միլիարդ եվրո հատկացնել ծրագրին որպես ռազմական աջակցություն»,- ասել է նա։