Ալեքսիս Սանչեսը վերադառնում է «Ինտեր»
0
Չիլիացի հարձակվող Ալեքսիս Սանչեսը կտեղափոխվի «Ինտեր», հայտնում է Football Italia-ն։
34-ամյա ֆուտբոլիստը «Ներաձուրիի» կազմում կփոխարինի Խոակին Կորեային, որը վարձակալությամբ տեղափոխվել է ֆրանսիական «Մարսել»։ Ալեքսիս Սանչեսն անցած մրցաշրջանն անցկացրել է հենց «Մարսելում»։ Նա մեկ ամիս առաջ դադարեցրել էր համագործակցությունն ակումբի հետ ու դարձել ազատ գործակալ։
Ֆուտբոլային ինսայդեր Ջանլուկա դի Մարցիոյի խոսքով՝ Սանչեսը շուտով բուժզննում կանցնի «Ինտերի» կազմում ու երկու տարվա պայմանագիր կկնքի ակումբի հետ։
Հիշեցնենք, որ Ալեքսիս Սանչեսը 2019-2022 թվականներին խաղացել է «Ինտերում» ու նվաճել երեք տիտղոս, այդ թվում Ա սերիան։
The post Ալեքսիս Սանչեսը վերադառնում է «Ինտեր» appeared first on ԳԱԼԱ.