«Տարածաշրջանում անվտանգության ապահովման առումով խոսելիք կա». Սոչիում ընթանում է Պուտին-Էրդողան հանդիպումը
Սոչիում ՌԴ նախագահ Վլադիմիր Պուտինի նստավայրում մեկնարկել են Թուրքիայի նախագահ Ռեջեփ Թայիփ Էրդողանի հետ լայն ձևաչափով բանակցությունները, հաղորդում է ՌԻԱ «Նովոստի»-ի թղթակիցը։
«Տարածաշրջանում անվտանգության ապահովման առումով խոսելիք կա: Իհարկե, մենք չենք անտեսի ուկրաինական ճգնաժամի հետ կապված հարցերը... Մենք մտադիր ենք հացահատիկի գործարքի վերաբերյալ հարցեր քննարկել»,- հանդիպման սկզբում ասել է ՌԴ ղեկավարը։
Նա նաև նշել է, որ «Աքքույու» ԱԷԿ-ի կառուցման նախագիծը Թուրքիայում ընթանում է ըստ պլանի, առաջին էներգաբլոկի գործարկումը տեղի կունենա 2024 թվականին։
«Ինչպես ասացի, մենք շատ վստահորեն առաջ ենք շարժվում էներգետիկ ոլորտում, պայմանավորվածություններ են ձեռք բերվել հիմնական մատակարարների, երկու կողմերի շարժիչների միջև: Հուսով եմ, որ այդպես էլ կլինի: Մենք դրա ականատեսը կլինենք մոտ ապագայում»,- հավելել է Պուտինը:
Խոսելով երկկողմ հարաբերությունների մասին՝ նա նշել է, որ Մոսկվան ու Անկարան «բոլորովին այլ շրջան» են ապրում։
«Մենք շատ գոհ ենք, որ մեր արտաքին առևտրի ծավալը ներկայումս կազմում է 62 միլիարդ դոլար, և մենք շարժվում ենք դեպի մեր նպատակը՝ 100 միլիարդ դոլար»,- հավելել է Էրդողանը։
Նա նաև նշել է «գազային հանգույց» նախագծի կարևորությունը։