Մեքենաները արտադրանքի ամենավատ կատեգորիան են, որը մենք երբևէ ուսումնասիրել ենք գաղտնիության տեսանկյունից․ Mozilla
Mozilla Foundation ոչ առևտրային կազմակերպությունը հրապարակել է իր «Գաղտնիությունը ներառված չէ» (Privacy Not Included, PNI) զեկույցը։
Զեկույցը վերաբերում է մեքենաների ապրանքանիշերի կողմից օգտատերերի տվյալների հավաքագրմանը:
Mozilla-ի վերլուծաբաններն ուսումնասիրել են 25 խոշոր ավտոարտադրողների տվյալները, այդ թվում՝ Ford-ը, Volkswagen-ը, BMW-ն, Tesla-ն:
Եզրակացության համաձայն՝ այս բոլոր ընկերությունները հավաքում են օգտատերերի ավելի շատ անձնական տվյալներ, քան անհրաժեշտ է Mozilla-ի փորձագետների տեսանկյունից։
Ընկերությունն օգտագործում են այդ տեղեկատվությունը ոչ միայն վարելու անվտանգության, սպասարկման բարելավման և այլնի նպատակներով: Mozilla-ն նշել է, որ դա ավելի վատ ցուցանիշ է, քան, օրինակ, սմարթֆոնների կամ խելացի տան համակարգերի դեպքում։
Զեկույցում ուսումնասիրված ավտոարտադրողների 84%-ը կիսվում են օգտատերերի տվյալներով երրորդ կողմերի հետ կամ նույնիսկ վաճառում են դրանք։ Նրանց 56%-ը նման տեղեկություններով կիսվում է իրավապահների և պետական այլ կառույցների հետ և ոչ թե դատարանի որոշմամբ, այլ «ոչ պաշտոնական խնդրանքով»։
Դեպքերի 92%-ում մեքենաների սեփականատերերն իրենք քիչ են վերահսկում, թե ընկերությունները ինչ տվյալներ են հավաքում իրենց մասին կամ ինչպես են դրանք օգտագործում:
Ավտոարտադրողների կողմից հավաքվող որոշ տեղեկություններ ներառում են բժշկական և գենետիկ տեղեկատվություն ավտոմեքենաների սեփականատերերի, որտեղ են նրանք վարում, ինչ երգեր են երգում ճանապարհին, ֆինանսական տեղեկատվություն, նրանց ներգաղթի կարգավիճակը, նույնիսկ սեռական կյանքը:
Օգտագործողների տվյալների հավաքագրման առումով ամենավատ ավտոարտադրողների եռյակը, ըստ Mozilla-ի, Tesla-ն, Nissan-ն ու Hyundai-ն են: Լավագույն եռյակը (ամենաքիչ վատը) Renault-ն, Dacia-ն ու BMW-ն են։
«Շատերը կարծում են, որ իրենց մեքենան մասնավոր տարածք է, որտեղ կարել է զանգահարել բժշկի, խոսել երեխայի հետ դպրոցի ճանապարհին, լաց լինել բաժանման պատճառով կամ քշել այն վայրերը, որոնց մասին ոչ մեկին ցանկալի չէ պատմել: Բայց այս ընկալումն այլևս չի համապատասխանում իրականությանը։
Բոլոր նոր մեքենաները մղձավանջ են անիվների վրա հսկայական քանակությամբ անձնական տեղեկություններ հավաքելու առումով»,- ընդգծել է PNI ծրագրի տնօրեն Ջեն Կալտրիդերը։
PNI-ում Mozilla-ն ուսումնասիրում է տարբեր գաջեթների և համակարգերի տվյալների հավաքագրումը և գաղտնիությունը: