ՌԴ Պետդումայում կքննարկեն շաուրմայի ստանդարտը
Աշնանային նստաշրջանի սկզբում ՌԴ Պետդումայում կլոր սեղան կանցկացվի անվտանգ սննդի վերաբերյալ, որի ընթացքում, ի թիվս այլ հարցերի, կքննարկվի շաուրմայի ստանդարտը։
ՌԻԱ Նովոստիին ասել է Պետդումայի փոխնախագահ Վլադիսլավ Դավանկովը:
Նա նշել է, որ քննարկումը տեղի կունենա Ռոսպոտրեբնադզորի, առողջապահության նախարարության և համապատասխան փորձագետների մասնակցությամբ։
«Խնդիրը պետք է ավարտին հասցվի, քանի որ վտանգված է ոչ միայն մարդկանց առողջությունը, այլ բառացիորեն նրանց կյանքը»,- ընդգծել է նա։
Հիշեցնենք, որ օրերս ՌԴ Կուրսկի շրջանում շաուրմայից զանգվածային թունավորում էր տեղի ունեցել։ Բուժօգնության է դիմել 22 մարդ, այդ թվում՝ ութ երեխա և դեռահաս։