Հանրահավաքի ժամանակ ՔՊ-ի աջակիցները շիշ են նետել և հшրվածել լրագրողին. ՀԺՄ-ի հայտարարությունը
Հայաստանի Ժուռնալիստների միությունը հայտարարությունը է տարածել՝ ահազանգելով, որ վտանգված է լրագրող Անի Գևորգյանի կյանքը։ Հայտարարությունն ամբողջությամբ ներկայացնում ենք ստորև․ «Օրեր առաջ Հայաստանի ժուռնալիստների միությունը հանդես եկավ հայտարարությամբ, որում դատապարտեց Newday.am կայքի հիմնադիր, լրագրող Անի Գևորգյանի դեմ «Քաղաքացիական պայմանագիր» կուսակցության համակիրների ու աջակիցների, ինչպես նաև առանձին պաշտոնատար անձանց կողմից կատարվող հարձակումները, վիրավորանքներն ու հայհոյանքները: Ցավոք, կառավարող …
The post Հանրահավաքի ժամանակ ՔՊ-ի աջակիցները շիշ են նետել և հшրվածել լրագրողին. ՀԺՄ-ի հայտարարությունը appeared first on ԳԱԼԱ.
Հայաստանի Ժուռնալիստների միությունը հայտարարությունը է տարածել՝ ահազանգելով, որ վտանգված է լրագրող Անի Գևորգյանի կյանքը։ Հայտարարությունն ամբողջությամբ ներկայացնում ենք ստորև․
«Օրեր առաջ Հայաստանի ժուռնալիստների միությունը հանդես եկավ հայտարարությամբ, որում դատապարտեց Newday.am կայքի հիմնադիր, լրագրող Անի Գևորգյանի դեմ «Քաղաքացիական պայմանագիր» կուսակցության համակիրների ու աջակիցների, ինչպես նաև առանձին պաշտոնատար անձանց կողմից կատարվող հարձակումները, վիրավորանքներն ու հայհոյանքները:
Քիչ առաջ իշխանական ուժի Երևանի ավագանու ցուցակը գլխավորող Տիգրան Ավինյանի նախընտրական ամփոփիչ քայլերթն ուղիղ եթերում լուսաբանող լրագրողի նկատմամբ ամենավայրի արշավն էր տարվում: Չբավարարվելով ամենաայլանդակ հայհոյանքներով, անեծքներով, սադրանքներով ու վիրավորական արտահայտություններով՝ «Քաղաքացիական պայմանագիր» կուսակցության համակիրներն այսօր արդեն բռնություն էին կիրառում՝ շիշ նետելով ու դրոշի կոթով հարվածելով լրագրողին ու նրա հետ աշխատող օպերատորին՝ փորձելով ահաբեկել իրենց աշխատանքը կատարող ԶԼՄ ներկայացուցիչներին:
Կրկնում ենք՝ ամեն բան տեղի է ունեցել ուղիղ եթերում. տեսանյութերն առկա են:
Հայաստանի ժուռնալիստների միությունը ևս մեկ անգամ կոչ է անում իրավապահ մարմիններին պատշաճ կերպով արձագանքել տեղի ունեցողին, վերջ տալ այս ամենաթողությանը, իսկ «Քաղաքացիական պայմանագիր» կուսակցության ղեկավար կազմին՝ զսպել իրենց համակիրների ու աջակիցների բնազդները:
Իրավապահ մարմինների անգործության հետևանքով խոչընդոտվում է ԶԼՄ աշխատակիցների աշխատանքը, վտանգվում է լրագրողի, օպերատորի կյանքը:
Դիմում ենք նաև միջազգային մեր գործընկերներին, դիտորդական առաքելություն իրականացնող միջազգային և տեղական կազմակերպություններին՝ գնահատական տալ կատարվածին, քայլեր ձեռնարկել՝ ապահովելու համար ԶԼՄ ներկայացուցիչների անխոչընդոտ աշխատանքը»:
The post Հանրահավաքի ժամանակ ՔՊ-ի աջակիցները շիշ են նետել և հшրվածել լրագրողին. ՀԺՄ-ի հայտարարությունը appeared first on ԳԱԼԱ.