Կառավարության շենքի առջև բախումների հետևանքով տուժել են նաև ոստիկաններ
Կառավարության շենքի առջև բախումների հետևանքով կան տուժածներ, այդ թվում՝ ոստիկաններ։ Լրատվական ծառայությունը տուժած ոստիկանների թիվը դեռ չի հրապարակում։
«Ազատության» տեսախցիկը նաև ֆիքսել է, թե ինչպես է ոստիկանության կիրառած հատուկ միջոցներից վնասվածք ստացած քաղաքացին տեղափոխվում հիվանդանոց։
Ավելի ուշ Առողջապահության նախարարությունը տեղեկացրեց, որ «հավաքված ցուցարարների հրահրած անկարգությունների հետևանքով բժշկական օգնության են դիմել ոստիկաններ և քաղաքացիներ»։ Տեղում ցուցաբերվել է առաջին բուժօգնություն, մի քանիսը հոսպիտալացվել են։
Զանգվածային անկարգություններ կատարելու հրապարակային կոչեր հնչեցնելու, զանգվածային անկարգություններ կազմակերպելու մասնակցելու դեպքերի առթիվ նախաձեռնվել է քրեական վարույթ, ավելի վաղ հայտնել էր Քննչական կոմիտեն։