ՌԴ ՊՆ. ԼՂ-ում հրադադարի խախտման 5 դեպք է գրանցվել
Լեռնային Ղարաբաղում ռազմական գործողությունների դադարեցման մասին համաձայնագրի կնքումից ի վեր արձանագրվել է հրադադարի խախտման հինգ դեպք, ասվում է ՌԴ պաշտպանության նախարարության տեղեկագրում։
«Ռազմական գործողությունների դադարեցման մասին համաձայնագրի կնքումից ի վեր արձանագրվել է հրադադարի խախտման հինգ դեպք՝ Շուշիի շրջանում՝ երկու, Մարդակերտի շրջանում՝ երեք»,- ասվում է զեկույցում։
Ինչպես նշվում է, Լեռնային Ղարաբաղում խախտումները հետաքննում են ռուսական խաղաղապահ զորախումբը՝ ադրբեջանական կողմի հետ համագործակցությամբ։ Շարունակական փոխգործակցություն է պահպանվում նաև Բաքվի և Ստեփանակերտի հետ՝ ուղղված արյունահեղության կանխմանը, անվտանգության ապահովմանը և խաղաղ բնակչության նկատմամբ մարդասիրական իրավունքի պահպանմանը։
Նշվում է, որ ռուսական խաղաղապահ զորախումբը շարունակում է ունենալ 1340 խաղաղ բնակիչ, այդ թվում՝ 607 երեխա, որոնք այս պահին չեն կարողանում վերադառնալ իրենց տները։ Կազմակերպված է նրանց բնակեցումը, սնունդը և բուժօգնությունը։
The post ՌԴ ՊՆ. ԼՂ-ում հրադադարի խախտման 5 դեպք է գրանցվել appeared first on ԳԱԼԱ.