Էրդողանը վաղը կմեկնի Նախիջևան․ թուրքական լրատվամիջոցներ
NTV-ի տեղեկություններով՝ Թուրքիայի առաջնորդն ադրբեջանցի պաշտոնակցի հետ կքննարկի «անջատողական հայերի զինաթափման գործընթացը», ինչպես նաև «Զանգեզուրի միջանցքը, որը կապահովի ադրբեջանական հողերի և Նախիջևանի Ինքնավար Հանրապետության միջև կապը»։
Թուրքական լրատվամիջոցը մեջբերում է նախագահ Էրդողանի՝ ՄԱԿ-ի Գլխավոր ասամբլեայում հնչեցրած հայտարարությունը․ «Մենք ակնկալում ենք, որ Հայաստանի և Ադրբեջանի միջև համապարփակ խաղաղության համաձայնագիր կստորագրվի, և խոստումները արագ իրականություն կդառնան, հատկապես, «Զանգեզուրի միջանցքը» բացելու վերաբերյալ»։