«Այսօր բացեցի վերջին տոնական խտացրած կաթը, որը ամիսներ շարունակ պահում էի այս օրվա համար»
«Այսօր դստրիկիս 1-ամյակն է: Կյանքի 12 ամսից 10-ը անցել է շրջափակման մեջ, տեսել է պատերազմ, ռմբակոծություն, նկուղ, սառը գետնին լուսացնել»:
Այս մասին Արցախից գրում է ԳԱԼԱ-ի թղթակից Արև Դանիելյանը:
«1 տարեկան արքայադուստրս այսօր պիտի ճոխ խնջույքի մասնակցեր, հյուրեր ընդուներ, բայց…
Խնջույքի ժամանակներն անցել են, ցավոք, փոքրիկիս ծննդյան ամենաթանկ նվերը ողջ և առողջ հարազատներն են կողքին:
Այսօր բացեցի վերջին տոնական խտացրած կաթը, որը ամիսներ շարունակ պահում էի այս օրվա համար. գոնե տոնական տորթ բալիկս պիտի ունենար, տորթը չստացվեց, բայց խտացրած կաթը դարձավ տոնական նախաճաշի գլխավոր ատրիբուտը:
Մի պարզ ճշմարտություն հասկացա, կյանքը պլանավորելով չի ստացվում, այն չափազանց կարճ է մեծ ճամպրուկում տեղավորելու համար»:
The post «Այսօր բացեցի վերջին տոնական խտացրած կաթը, որը ամիսներ շարունակ պահում էի այս օրվա համար» appeared first on ԳԱԼԱ.