4-րդ թռիչքն է իրականացվում Արցախից Հայաստան․ Արցախի ԱՆ
Ասկերանի շրջանում վառելիքի պահեստում երեկ տեղի ունեցած պայթյունի հետևանքով՝ ծանր և ծայրահեղ ծանր վիճակում գտնվող հիվանդներին օդային ճանապարհով տեղափոխում են Հայաստանի մասնագիտացված բժշկական կենտրոններ։
Նախարարությունը նաև նշում է, որ ուղղաթիռով Հայաստանից Ստեփանակերտ տեղափոխված բժիշկների թիմը՝ անհրաժեշտ դեղորայքով և բժշկական պարագաներով, այս պահին գտնվում են հանրապետության բուժհաստատություններում և տեղի բժիշկների հետ ցուցաբերում են անհրաժեշտ բուժօգնություն` բոլոր տուժածներին։
Ստեփանակերտը հաղորդել է, որ պայթյունի հետևանքով հիվանդանոցներ են ընդունվել 290 տուժածներ, Հայաստանից բժիշկների թիմն այսօր առավոտյան է ուղղաթիռով մեկնել Արցախ և Ստեփանակերտից առաջին տուժածներին արդեն տեղափոխել Սիսիան։ Շտապօգնության մեծ բրիգադ էլ Հայաստանից Լեռնային Ղարաբաղ է ուղևորվել Կոռնիձորով։