Երեկ ՌԴ օդատիեզերական ուժերի սանավիացիան ԼՂ-ից ՀՀ է տարհանել պшյթյունի հետևանքով տուժած 58 քաղաքացու (տեսանյութ)
Ռուսական խաղաղապահ զորախմբի հատուկ նշանակության բժշկական ջոկատի զինվորական բժիշկները շարունակում են աջակցություն ցուցաբերել Լեռնային Ղարաբաղի բուժհաստատությունների գործընկերներին Ստեփանակերտում վառելիքի պահեստի պայթյունի հետևանքով վիրավորված խաղաղ բնակիչների բուժման և տարհանման հարցում, հայտնում են ՌԴ ՊՆ-ից։
Նախօրեին Ռուսաստանի օդատիեզերական ուժերի սանավիացիան Լեռնային Ղարաբաղից ՀՀ է տարհանել պայթյունի հետևանքով տուժած 58 քաղաքացու:
«Ներկայումս խաղաղապահ զորախմբի հատուկ նշանակության բժշկական ջոկատից տարհանվել է 16 քաղաքացի, ԼՂ հոսպիտալիս և հանրապետական բժշկական կենտրոնից՝ համապատասխանաբար 7 և 35 վիրավոր», - հայտնել է բժշկական ջոկատի պետ Պավել Սուսլովը։
Խաղաղապահ զորախմբի տեղակայման վայրում շարունակում են մնալ 522 խաղաղ բնակիչ, այդ թվում՝ 293 երեխա, ովքեր այս պահին չեն կարող վերադառնալ իրենց տները։
ՌԴ ՊՆ-ի տեսանյութը՝ Tert.am-ի թելեգրամյան ալիքում: