Հայաստանում առաջին սպորտային ռադիոյի՝ to.sport FM 96.3-ի թղթակիցը Բելգիայից կլուսաբանի մարմնամարզության Աշխարհի առաջնությունը (լուսանկարներ)
Բելգիայի Անտվերպեն քաղաքում սեպտեմբերի 30-ից հոկտեմբերի 8-ը կանցկացվի սպորտային մարմնամարզության 52-րդ Աշխարհի առաջնությունը, որին Հայաստանից կմասնակցեն հինգ մարզիկներ։
Մեծ ուշադրություն դարձնելով հայկական սպորտին ու կարևորելով դրա որակյալ ու պրոֆեսիոնալ լուսաբանումը, հայկական մեդիայում առաջին սպորտային ռադիոյի՝ to.sport FM 96.3-ի թղթակից Շուշանիկ Հակոբյանը մարզիկների հետ կմեկնի Բելգիա՝ սպորտային իրադարձությունները լուսաբանելու, մարզիկների հետ զրուցելու ու եզակի նյութեր ներկայացնելու համար։ Սա առաջին դեպքն է, երբ մարզիկների հետ մարմնամարզության աշխարհի առաջնությանը Հայաստանից մեկնում է մարզական լրագրող՝ տեղում իրադարձությունները լուսաբանելու և սպորտասերներին փոխանցելու համար։
Tert.am-ի հետ զրույցում to.sport FM 96.3-ի թղթակից Շուշանիկ Հակոբյանը ընդգծեց, որ իրադարձությունը կարևոր է այնքանով, որ Հայաստանում մարմնամարզության աշխարհի ու Եվրոպայի առաջնություններից որևէ ուղիղ հեռարձակում այսքան ժամանակ դեռևս չի եղել և to.sport FM 96.3-ը լինելու է առաջինը։
«Ընդհանրապես մարմնամարզությունը շատ բարդ մարզաձև է, մրցակցությունը շատ բարձր է և տեղում լուսաբանելու առավելությունը հենց այն է, որ լրագրողը լուսաբանելու է այն դետալները, որոնք առաջին հայացքից մարզասերը կարող է չնկատել կամ չհասկանալ։ Ընտրել ենք հենց այս աշխարհի առաջնությունը, որովհետև այն նախաօլիմպիական է և այստեղ խաղարկվում են Փարիզի օլիմպիական խաղերի ուղեգրեր։ Նախաօլիմպիական աշխարհի առաջնություններում սովորաբար լինում է բավականին բարդ մրցակցություն, մի քանի տասնյակ ուղեգրի համար պայքարելու են 500 մարզիկներ։ Մրցումները տևելու են 9 օր և այդ ամբողջ ընթացքը to.sport FM 96.3-ը լուսաբանելու է, մրցումներից հետո զրուցելու ենք մարզիկների հետ, մարզասերներին փոխանցենք նրանց էմոցիաներն ու տպավորությունները։ Այդ ամբողջը ներկայացվելու է ռադիոյի բոլոր թվային հարթակներում»,- ասաց Շուշանիկ Հակոբյանը։
Թղթակցի խոսքով՝ to.sport FM 96.3-ի այս քայլով նոր մշակույթ է ձևավորվում մեդիայի կողմից սպորտը լուսաբանելու առումով։
«to.sport FM 96.3-ը առաջամարտիկ է այն առումով, որ ներկայացնելու է հենց նեղ սպոտային տեղեկություններ։ Մեր հաղորդումները մաքուր սպարտային հաղորդումներ են։ Մարմնամարզության աշխարհի առաջնությունը առաջին, բայց միակ առաջնությունը չէ, որ լուսաբանվել է մեր կողմից։ Սա այս տարի արդեն երրորդ խոշոր մրցաշարն է լինելու to.sport FM 96.3-ի համար։ Առաջինը երիտասարդների աշխարհի առաջնությունն էր Թուրքիայում, որտեղ Հայաստանը ունեցով 2 ոսկե և 1 արծաթե մեդալ, հաջորդը ԱՊՀ խաղերն էին, որտեղ մենք ունեցանք չեմպիոններ, մեդալներ, մարմանամարզության աշխարհի առաջնությունն էլ արդեն երրորդն է։ Սա արվում է, որպեսզի մարզասերները մեզ հետ միասին բռնեն չեմպիոնական ալիքը», - ասաց Շուշանիկ Հակոբյանը։
to.sport FM 96.3-ը խոստանում է հայկական սպորտային կյանքում կարևոր այս իրադարձությունը լուսաբանել թվային բոլոր հարթակներում։ Սպորտային առաջին ռադիոյի կոնտենտը կգտնեք սոցիալական հետևյալ հարթակներում՝
Instagram` https://www.instagram.com/to.sport.fm96.3/
Facebook` https://www.facebook.com/to.sport.fm96.3