Մարկոս Պիզելիի համար ղազախական «Ակտոբեն» հրաժեշտի հանդիպում է անցկացրել
Հայաստանի հավաքականի լեգենդար ֆուտբոլիստ Մարկոս Պիզելիի համար ղազախական «Ակտոբեն» հոկտեմբերի 15-ին հրաժեշտի հանդիպում է անցկացրել, հաղորդում է Диапазон-ը: Մարկոս Պիզելիի և մրցակցի թիմերում խաղացել են ֆուտբոլիստներ, որոնք տարբեր ժամանակահատվածներում ելույթ են ունեցել «Ակտոբեում»: Պիզելիի թիմը հաղթել է 8-2 հաշվով, Մարկոսն աչքի է ընկել դարպասի գրավմամբ: Խաղից հետո Մարկոս Պիզելիին նվիրել են ղազախական ազգային հագուստ: «Ամենահայ բրազիլացին» …
The post Մարկոս Պիզելիի համար ղազախական «Ակտոբեն» հրաժեշտի հանդիպում է անցկացրել appeared first on ԳԱԼԱ.
Հայաստանի հավաքականի լեգենդար ֆուտբոլիստ Մարկոս Պիզելիի համար ղազախական «Ակտոբեն» հոկտեմբերի 15-ին հրաժեշտի հանդիպում է անցկացրել, հաղորդում է Диапазон-ը:
Մարկոս Պիզելիի և մրցակցի թիմերում խաղացել են ֆուտբոլիստներ, որոնք տարբեր ժամանակահատվածներում ելույթ են ունեցել «Ակտոբեում»: Պիզելիի թիմը հաղթել է 8-2 հաշվով, Մարկոսն աչքի է ընկել դարպասի գրավմամբ:
Խաղից հետո Մարկոս Պիզելիին նվիրել են ղազախական ազգային հագուստ: «Ամենահայ բրազիլացին» հանդիպումից հետո երկար ժամանակ մնացել է խաղադաշտում, լուսանկարվել է երկրպագուների հետ: Մարկոսը շնորհակալություն է հայտնել ընդունելության համար ու վստահեցրել «Ակտոբեի» երկրպագուներին, որ հեռավոր Բրազիլիայում թիմը հավատարիմ երկրպագու ունի:
Նախօրեին նույնպես Մարկոս Պիզելին հանդիպել է երկրպագուների հետ ու ինքնագրեր բաժանել: Նրան դիմավորել են ավելի քան հազար երկրպագուներ, հիմնականում՝ դպրոցականներ: Մարկոսին տեսնելուն պես հավաքվածները ոգևորվել են այնքան, որ Հայաստանի հավաքականի նախկին ֆուտբոլիստը ստիպված է եղել հանգստացնել նրանց՝ վստահեցնելով, որ ոչ մի տեղ չի գնալու:
Կազմակերպիչները երկրպագուների համար պատրաստել են Մարկոս Պիզելիի լուսանկարով 500 պաստառ, որոնց վրա ֆուտբոլիստը ստորագրել է: Պաստառները գտել են իրենց տերերին ընդամենը րոպեների ընթացքում:
««Ակտոբեի» երկրպագուները շատ են սիրում Մարկոս Պիզելիին, քանի որ նա չհեռացավ ակումբի համար դժվար ժամանակահատվածում: Դրանից բացի, նա համեստ էր ու ընկերասեր, իսկ խաղերի ժամանակ անմոռանալի մթնոլորտ էր ստեղծում»,- ընդգծել է ղազախական աղբյուրը և հավելել, որ Մարկոսը ոչ միայն ֆուտբոլ էր լավ խաղում, այլև զարգացած է այլ ուղղություններով. տիրապետում է պորտուգալերեն, անգլերեն, հայերեն ու ռուսերեն լեզուներին:
Հիշեցնենք, որ Մարկոս Պիզելին «Ակտոբեի» ֆուտբոլիստ է եղել 2014-2016 և 2018-2020 թվականներին: Նա թիմի կազմում անցկացրել է 106 խաղ, խփել 36 գոլ, կատարել 29 գոլային փոխանցում: Պիզելին Հայաստանի հավաքականի անդամ էր 2008 թվականից: Ազգային թիմի կազմում նա մասնակցել է 68 խաղի, խփել 11 գոլ: 39-ամյա Մարկոս Պիզելին մարզական կարիերան ավարտել է 2020 թվականին:
The post Մարկոս Պիզելիի համար ղազախական «Ակտոբեն» հրաժեշտի հանդիպում է անցկացրել appeared first on ԳԱԼԱ.