Գազայի հատվածից «Ռաֆահ» անցակետն այսօր հատել է ավելի քան 400 պաղեստինցի
Եգիպտոսի և Գազայի սահմանին գտնվող «Ռաֆահ» անցակետն այսօր հատել է ավելի քան 400 մարդ, նրանց թվում կա 30 վիրավոր։ Այս մասին ՌԻԱ Նովոստիին հայտնել է անցակետի ներկայացուցիչ Վաիլ Աբու Օմարը։
«Հինգշաբթի «Ռաֆահ» անցակետը հատածների թվում կա 30 վիրավոր, նրանց ուղեկցող 30 անձ, ինչպես նաև երկքաղաքացիություն ունեցող 342 մարդ»,- ասել է գործակալության զրուցակիցը։
Նա նաև նշել է, որ Գազայի հատվածի սահմանը հինգշաբթի հատել է հումանիտար օգնությամբ բեռնված 45 բեռնատար։
Ինչպես գրում է ՌԻԱ Նովոստին, հինգշաբթի՝ նոյեմբերի 2-ին, ռազամական գործողությունների էպիկենտրոնում հայտնված Գազայի հատվածը լքելու հնարավորություն է ստացել այլ երկրների քաղաքացիություն ունեցող 600 մարդ, այդ թվում՝ Հունաստանի, Շվեյցարիայի, Նիդեռլանդների, Իտալիայի և Բահրեյնի քաղաքացիներ։