Թալանված միջոցները չեն տարել «կուշետկի» մեջ դրել, որ մենք մտնենք, վերցնենք․ Նիկոլ Փաշինյան (տեսանյութ)
Մեզ շատ են քննադատում, որ պատշաճ հետևողականությամբ երկրից թալանված միջոցները հետ չենք բերում։
Այս մասին 2024 թվականի պետական բյուջեն ներկայացնելիս ասաց վարչապետ Նիկոլ Փաշինյանը։
Կառավարության ղեկավարի համար հասկանալի են այս քննադատությունները։
Նա, սակայն, նկատեց․
«Թալանված միջոցները հայտնի թալանչիների դարակներում, բարեբախտաբար, թե դժբախտաբար դասավորած չեն, այսինքն՝ չեն տարել «կուշետկի» մեջ դրել, որ մտնենք, վերցնենք, դուրս գանք։ Այդ գումարները խնամքով քողարկված են, թաքնված են տարբեր տեղերում, շատ հաճախ՝ Հայաստանից դուրս»։
Փաշինյանը նաև նշեց, թե թալանողները թալանը հո սկուտեղով չեն մատուցում, այլ հնարավոր բոլոր ձևերուվ դիմադրում են, այդ թվում՝ թաքնվելով դասագրքերի, անվտանգային սպառնալիքների, ղարաբաղյան, և ամենատարբեր հարցերի հետևում։
Վարչապետի խոսքով՝ նրանք փորձում են ներքաղաքական անկայունություն հրահրել՝ միլիոններ ծախսելով փաստաբանական և իշխանության ներկայացուցիչների հակաքարոզչության վրա։