Նրա անունը կապվում է պրագմատիկ արտաքին քաղաքական գծի հետ. Պուտինը` Քիսինջերի մասին
Վլադիմիր Պուտինը ցավակցական հեռագիր է հղել երեկ երեկոյան մահացած Հենրի Քիսինջերի կնոջը՝ Նենսիին։
«Ընդունեք մեր խորին ցավակցությունները ձեր ամուսնու՝ Հենրի Քիսինջերի մահվան կապակցությամբ։ Կյանքից հեռացել է նշանավոր դիվանագետ, իմաստուն և հեռատես պետական գործիչ»,– ասված է նախագահի ուղերձում։
Նրա անունը կապվում է պրագմատիկ արտաքին քաղաքական գծի հետ, որը հնարավորություն է տվել հասնել ԽՍՀՄ-ի և ԱՄՆ-ի միջև կարևորագույն պայմանավորվածություններին և ամրապնդել միջազգային անվտանգությունը, ընդգծել է ՌԴ ղեկավարը։
Հիշեցնենք, որ Նոյեմբերի 29-ին 100 տարեկանում կյանքից հեռացել է ամերիկացի պետական գործիչ, դիվանագետ, Խաղաղության Նոբելյան մրցանակի դափնեկիր, ԱՄՆ նախկին պետքարտուղար Հենրի Քիսինջերը։