Նպատակը պետք է լինի հայկական ֆուտբոլը, ոչ թե վերադարձնել Մխիթարյանին. Օզբիլիզ
Հայաստանի հավաքականի նախկին ֆուտբոլիստ Արաս Օզբիլիզը, որը ՀՖՖ նախագահի ընտրություններում առաջադրել է իր թեկնածությունը, հրավիրված մամուլի ասուլիսի ընթացքում անդրադարձել է մի շարք հարցերի:
«Գիտեմ, որ դժվար է լինելու, բայց շանսեր ունեմ, քանի որ զգում եմ, որ հայկական ֆուտբոլային հանրությունն աջակցում է ինձ: Կարծում եմ՝ ճիշտ եմ աշխատում, ու հավատում եմ, որ կարող եմ շատ մեծ օգուտ տալ մեր ֆուտբոլին: Ես հավատում եմ, որ կարող եմ մեր երկրին օգուտ տալ:
Ամեն ինչ կանեմ իմ ուժերի ներածին չափով, որ Մխիթարյանի նման ֆուտբոլիստները մինչև իրենց կարիերայի ավարտը կխաղան հավաքականում:
Առաջինը ես կուրախանամ, որ Հենրիխը հետ գա, բայց եթե ինձ ընտրելու եք, որ Մխիթարյանը հետ գա, ավելի լավ է՝ ինձ չընտրեք: Բոլորիս նպատակը պետք է լինի հայկական ֆուտբոլը, ոչ թե վերադարձնել Հենրիխ Մխիթարյանին»,- ընդգծել է Օզբիլիզը: