Նարեկն անբացատրելի հրաշքով մի քանի վայրկյան արթնացել, ջուր է ուզել ու կրկին գիտակցությունը կորցրել. «Զինուժ»-ի ռեպորտաժը` զոհերի ցանկում հայտնված զինծառայողի մասին
«Զինուժ»-ը ռեպորտաժ է պատրաստել զինծառայող Նարեկ Պողոսյանի մասին, որի անունը սեպտեմբերի 1-ին Սոթքի հայկական դիրքերի ուղղությամբ ադրբեջանական սադրանքի հետևանքով զոհված զինծառայողների ցուցակում էր հայտնվել, սակայն ժամեր անց Պաշտպանության նախարարությունը լրացուցիչ հաղորդագրություն էր տարածել՝ նշելով, որ ռեանիմացիոն ինտենսիվ միջոցառումների արդյունքում Նարեկի սրտի զարկը վերականգնվել է:
Վնասվածք ստանալուց անմիջապես հետո բուժակը ստուգել է Նարեկի սրտի աշխատանքը և տեսնելով որ չի շնչում, հայտնել զոհվելու մասին: Մինչ հոսպիտալ հասցնելը Նարեկն անբացատրելի հրաշքով մի քանի վայրկյան արթնացել, ջուր է ուզել ու կրկին գիտակցությունը կորցրել: Այդ պահից բժիշկների ինտենսիվ գործողությունների շնորհիվ Նարեկի կյանքը փրկվել է: Ամիսներ շարունակ Նարեկը չէր կարողանում շարժվել, խոսել, ինչ-որ բան հիշել: Նարեկն այժմ վերականգնողական բուժում է ստանում «Զինվորի տանը»: