Արմեն Մելիքբեկյանի ղեկավարած ՀՖՖ-ն ստիպված կլինի առնվազն 60 միլիոն դրամ վճարել ծաղկի շուկայի հարկադիր պարապուրդի համար. մեկնաբանում է փաստաբանը
2020թ. փետրվարի 8-ին լրատվամիջոցներից մեկն անդրադարձել էր Երևանի Վազգեն Սարգսյանի անվան Հանրապետական մարզադաշտի հարևանությամբ արդեն մոտ 20 տարի գործող ծաղկի մանրամեծածախ շուկային։ Նշվում էր, որ շուկայի տարածքը գտնվում է Հայաստանի ֆուտբոլի ֆեդերացիայի (ՀՖՖ) հաշվեկշռում, սակայն լրատվամիջոցին ՀՖՖ-ն չի տրամադրել այն վարձակալողի հետ վարձակալության պայմանագիրը՝ պատճառաբանելով, որ առանց երկրորդ կողմի համաձայնության՝ իրենք չեն կարող պայմանագրի պատճենը տրամադրել երրորդ կողմին: