Գազայի հատվածում զոհերի թիվը գերազանցել է 26,2 հազարը
Գազայի հատվածում Իսրայելի ռազմական գործողության հետևանքով զոհերի թիվը գերազանցել է 26,2 հազարը։ Ինչպես հաղորդում է Al Jazeera-ն, նման տվյալներ է ներկայացրել պաղեստինյան անկլավի առողջապահության նախարարությունը։
«Լարվածության սրման սկզբից ի վեր Գազայում Իսրայելի ագրեսիայի զոհերի թիվը հասել է 26,257-ի»,- նշված է հայտարարության մեջ։
Հաղորդվում է նաև, որ 2023 թվականի հոկտեմբերի 7-ից մինչ օրս 64,797 պաղեստինցի է վիրավորվել Գազայի հատվածում։
Գերատեսչության տվյալներով՝ միայն վերջին մեկ օրվա ընթացքում Գազայի տարբեր շրջաններում 174 մարդ է սպանվել, 310-ը վիրավորվել։