Նեթանյահուն հանձնարարել է Ռաֆահում խաղաղ բնակիչների տարհանման ծրագիր պատրաստել
Իսրայելի վարչապետ Բենիամին Նեթանյահուն զինվորականներին հրամայել է նախապատրաստել Գազայի հատվածի հարավում գտնվող Ռաֆահում խաղաղ բնակիչներին տարհանելու և ՀԱՄԱՍ-ի մնացած գումարտակները ոչնչացնելու ծրագիր:
Ինչպես հաղորդում է ՏԱՍՍ-ը, տեղեկությունը տարածել է Նեթանյահուի գրասենյակը։
«Ռաֆահում ՀԱՄԱՍ-ի չորս գումարտակ թողնելով ՀԱՄԱՍ-ի ոչնչացման պատերազմական նպատակին հասնել հնարավոր չէ։
Մյուս կողմից, ակնհայտ է, որ Ռաֆահում լայնածավալ գործողությունը պահանջում է խաղաղ բնակչության տարհանում մարտական գոտիներից։
Այդ իսկ պատճառով վարչապետը Իսրայելի պաշտպանության բանակին և անվտանգության ծառայություններին հանձնարարել է նախարարների կաբինետին երկակի ծրագիր ներկայացնել՝ և՛ բնակչության տարհանում, և՛ [ՀԱՄԱՍ] գումարտակների լուծարում»,- ասվում է հայտարարության մեջ։